আলফুলীয়া কপৌফুল
- দিপেন বৰুৱা
(স্ত্ৰী)
আলফুলীয়া
কপৌফুল
অ’ দেহি ক’ত পালা
চিৎ বিয়াকুল ।
(পু)
হাবি ভাঙি দেখিলোঁ
অ’ বিৰিখ বগাই চিঙিলোঁ
কোন হাঁহি এই পাহি
বনৰীয়া ফুল ।
(পু)
হাতত কিয় ল’লা
পিচলি জানো পৰে
জানো নুশুৱাই ।
(স্ত্ৰী)
পৰে যদি পিচলি
দিবা দেই বুটলি ।
(পু)
আকৌ যদি পিচলি যায়
তাতকৈ দিওঁ নেকি
খোপাতে পিন্ধাই ।
(পু)
খোপাত, হালে জালে
মৰম, যুগমীয়া
ঢৌ তুলি যায় ।
(স্ত্ৰী)
ঢৌ লাগে মৰমৰ
ফুলে ফুল সপোনৰ ।
(পু)
ফুল যদি মৰহি যায়
তাতকৈ মালা গাঁথি
লোৱা এতিয়াই ।।
0 Comments
Can give your opinion